Ndërlidhjet

Aung San Suu Kyi mohon “spastrimin etnik” kundër myslimanëve


Aung San Suu Kyi

Liderja de facto e Birmanisë, Aung San Suu Kyi, mohoi se ka spastrim etnik kundër pakicës myslimane në Birmani, pavarësisht raporteve për abuzime.

Në një intervistë për BBC-në, Suu Kyi, fituese e Çmimit Nobel për Paqe, pranoi se ka probleme në rajonin Rakhine, ku jetojnë myslimanët, por tha se spastrimi etnik është term “shumë i fuqishëm” për t’u përdorur.

Mbi 70,000 myslimanë të Birmanisë kanë ikur në Bangladesh në muajt e fundit, pasi një sulm i militantëve në tetor ka nxitur ndjekje dhe shtypje nga ushtria.

Zyrtarë të Kombeve të Bashkuara, që kanë biseduar me refugjatët në Bangladesh, kanë thënë se bëhet fjalë për vrasje, rrëmbime dhe përdhunime nga ana e ushtrisë.

Sipas Kushtetutës aktuale të Birmanisë, ushtria operon në mënyrë të pavarur nga partia që qeveris.

XS
SM
MD
LG