Grupi për të drejtat e njeriut Amnesty International i ka akuzuar forcat besnike ndaj liderit të Libisë Moamer Gadafi se po kryejnë fushatë të organizuar të zhdukjes së detyrueshme për t'i shtypur kundërshtarët e regjimit.
Amnesty International tha se punonjësit e saj në Libi kanë regjistruar më shumë se 30 raste të njerëzve që janë zhdukur, përfshirë aktivistë politikë dhe njerëz që dyshohen se u ndihmojnë kryengritësve.
Malkolm Stjuart, drejtor i AI për Lindjen e Mesme dhe Afrikën Veriore, tha se "duket se ka një politikë sistematike për të arrestuar çdonjërin që dyshohet se kundërshton" sundimin e Gadafit.