Shefi i diplomacisë së Rusisë, Sergei Lavrov do të vizitojë nesër Beogradin ku do të bisedojë me presidentin Boris Tadiq dhe homologun Vuk Jeremiq, njoftoi ministria e jashtme në Moskë.
Një nga temat e bisedimeve do të jetë edhe çështja e Kosovës, ku autoritetet serbe kanë përkrahjen e pakushtëzuar dhe parimore të Moskës, kanë theksuar burime diplomatike ruse.
Lavrov dhe zyrtarët serbë do të diskutojnë edhe për bashkëpunimin dypalësh.
Me vizitën në Beograd, Lavrov e fillon turneun treditor në Ballkan, ku do të viziojë Malin e Zi, Maqedoninë dhe Slloveninë.