Presidenti i Sirisë ka hequr ligjin e gjendjes së jashtëzakonshme përmes miratimit të një dekreti, raporton televizioni shtetëror sirian. Ligji parasheh shpërbërjen e gjykatave të sigurisë dhe lejon protestat paqësore.
Ligji i gjendjes së jashtëzakonshme ekzistonte në Siri prej 48 vjetësh. Shfuqizimi i këtij ligji ishte një nga kërkesat e protestuesve anti-qeveritarë.
Dhunën në Siri e dënoi edhe sekretarja amerikane e Shtetit, Hillari Klinton, në një konferencë për shtyp të mërkurën.
Ajo theksoi se Shtetet e Bashkuara “veçanërisht janë të shqetësuara për situatën në Homs, ku raportet e shumëfishta sugjerojnë dhunë dhe viktima në mesin e civilëve dhe të personelit qeveritar”.
Aktivistët e të drejtave të njeriut thonë se mbi 200 njerëz janë vrarë gjatë këtij muaji protestash në Siri.