Ndërlidhjet

Obama: SHBA-të mik i patundur i popullit të Kosovës



Presidenti amerikan Barak Obama e ka vlerësuar zgjedhjen e Atifete Jahjagës si presidente të Kosovës si dëshmi "të pjekurisë politike në rritje në Kosovë".

Këto vlerësime Obama i ka bërë në mesazhin e urimit dërguar presidentes së Kosovës.

Në mesazh Obama thekson se "Shtetet e Bashkuara mbeten mik i patundur i popullit të Kosovës".

"Ne do të vazhdojmë të punojmë me institucionet tuaja për të avancuar përpara reformat e nevojshme për ndërtimin e një demokracie gjithëpërfshirëse dhe shumëetnike, për forcimin e ekonomisë së Kosovës dhe sundimin e ligjit", përfundon mesazhi i presidentit amerikan për homologen e tij kosovare.
XS
SM
MD
LG