Dëshmitarët thanë se mijëra sirianë dolën sot në protesta në qytetet në mbarë vendin.
Aktivistët për të drejtat e njeriut thanë se në qytetin verior Hama dhe qytetin qendror Homs, forcat e sigurisë kanë përdorur municion luftarak për të shpërndarë protestuesit.
Forcat e sigurisë gjithashtu kanë përdorur gaz lotsjellës për të shpërndarë rreth 2 mijë protestuesit në Damask.
Demonstrata janë raportuar edhe në qytetin jugor Dara dhe në verilindje të vendit, të banuar me kurdë.
Protestat e sotme u mbajtën përkundër heqjes së gjendjes emergjente, e cila ishte në fuqi për 48 vjet.