Senatori amerikan Xhon MekKejn u bëri thirrje Shteteve të Bashkuara që të njohin këshillin kalimtar të kryengritësve në Libi si zërin e vërtetë të popullit libian, dhe atyre t'ua transferojnë asetet e ngrira.
Duke folur në qytetin e Bengazit në Libinë lindore, MekKejn gjithashtu bëri thirrje që NATO-ja ta intensifikojë fushatën ajrore.
MekKejn tha se aleatët perëndimorë duhet t'i ndihmojnë kryengritësit me trainim, armatim dhe aktivitete të komandës dhe kontrollit, në mënyrë që ata të përmbysin udhëheqësin Moamer Gadafi.