Në Gjykatën për Krime të Luftës në Beograd, po vazhdon procesi kundër tetë personave të akuzuar për vrasjen e 48 shqiptarëve në Suharekë, në vitin 1999. Procesi kundër 8 të akuzuarve, pjesëtarë të Ministrisë së Brendshme të Serbisë, vazhdoi me dëgjimin e dëshmitarit të mbrojtur A, i cili dhjetorin e kaluar i ka akuzuar ish policët se kanë marrë pjesë në vrasjen e anëtarëve të familjes Berisha, më 26 mars të vitit 1999.
