Zëvendës ministri i jashtëm gjerman, Gernot Erler tha se propozimi i Kombeve të Bashkuara për Kosovën me gjasë do të rekomandoj pavarësi të kufizuar me garanca të sigurisë për minoritetet. "Çdokush po pret që në fund ne do ta mbështesim pavarësinë për Kosovën, por me kufizime në sovranitet dhe poashtu me garanca për sigurinë e minoriteteve nëpërmjet të forces ndërkombëtare", i tha zoti Erler agjencisë Reuters. "Këto janë elemente fundamentale që ne, me gjasë mund ti parashohim", tha mëtutje ai dhe shtoi se për një propozim të këtillë do të ketë konsensus brenda Bashkimit Evropian.
