Funksionari i Paktit të Stabilitetit për Evropën Juglindore, Goran Svilanoviq ka deklaruar se plani i Ahtisaarit "i tillë çfarë është" parasheh avancim të rëndësishëm të statusit të serbëve në Kosovë. Svilanoviq ka shprehur habi të madhe lidhur me atë që Serbia thotë se absolutisht nuk e pranon këtë plan dhe ka tërhequr vërejtjen se Shtetet e Bashkuara dhe disa vende të rëndësishme të Bashkimit Evropian njëanshëm mund ta pranojnë pavarësinë e Kosovës. Sipas tij, në atë rast, "Serbia dhe veçanërisht serbët në Kosovë, do të mbeteshin pa asgjë".
