Sekretari amerikan i Mbrojtjes Robert Gates tha se vendet anëtare të NATO-s duhet të punojnë në partneritet me Rusinë rreth çështjeve të Sigurisë.
Robert Gates, në konferencën për sigurinë në Mynih ka thënë se "një luftë e ftohtë ishte e mjaftueshme".
Gates ka thënë se fjalimi i djeshëm i Putinit i ka përkujtuar atij Luftën e Ftohtë dhe ka shtuar se edhe "Uashingtoni është i brengosur për disa politika të Rusisë që shkojnë kundër stabilitetit ndërkombtarë, siç është transferi i armëve dhe përpjekjet që burimet e energjisë të shfrytëzohen për qëllime politike". Gates i bëri këto komente një ditë pasi presidenti rus Vladimir Putin i akuzoi SHBA-të që sipas tij, po e bëjnë botën një vend më të rrezikshëm. Administrata e presidentit George Bush tha se është befasuar dhe është zhgënjyer njëkohsisht nga fjalimi i presidentit rus Vladimir Putin.
Ndërkohë zëdhënësi i presidentit Bush, për çështje të sigurisë Gordon Johndroe tha se "akuzat e Putinit janë të gabuara", ndërsa shtoi se "SHBA-të presin bashkëpunim të mëtejmë me Rusinë në fushat e rëndësishme për bashkësinë ndërkombtare".
Senatori i njohur amerikan i pranishëm në këtë konferencë, Joseph Liberman fjalimin e Putinit e ka cilësuar provokues dhe një çështje për të cilën duhet menduar gjatë.
Kritikave të Putinit drejtuar Shteteve të Bashkuara u është bashkuar edhe shefi i diplomacisë gjermane Frank Valter Steinmeier i cili në këtë konferencë sot ka thënë se "disa në SHBA tash po mësojnë se demokracia nuk mund të imponohet me forcë ushtarake".
Agjencia Reuter pohon se marrëdhëniet Perendim-Rusi janë vënë në një pikë kruciale, për shkak të mospajtimeve rreth ambicieve bërthamore të Iranit dhe statusit të Kosovës.
Robert Gates, në konferencën për sigurinë në Mynih ka thënë se "një luftë e ftohtë ishte e mjaftueshme".
Gates ka thënë se fjalimi i djeshëm i Putinit i ka përkujtuar atij Luftën e Ftohtë dhe ka shtuar se edhe "Uashingtoni është i brengosur për disa politika të Rusisë që shkojnë kundër stabilitetit ndërkombtarë, siç është transferi i armëve dhe përpjekjet që burimet e energjisë të shfrytëzohen për qëllime politike". Gates i bëri këto komente një ditë pasi presidenti rus Vladimir Putin i akuzoi SHBA-të që sipas tij, po e bëjnë botën një vend më të rrezikshëm. Administrata e presidentit George Bush tha se është befasuar dhe është zhgënjyer njëkohsisht nga fjalimi i presidentit rus Vladimir Putin.
Ndërkohë zëdhënësi i presidentit Bush, për çështje të sigurisë Gordon Johndroe tha se "akuzat e Putinit janë të gabuara", ndërsa shtoi se "SHBA-të presin bashkëpunim të mëtejmë me Rusinë në fushat e rëndësishme për bashkësinë ndërkombtare".
Senatori i njohur amerikan i pranishëm në këtë konferencë, Joseph Liberman fjalimin e Putinit e ka cilësuar provokues dhe një çështje për të cilën duhet menduar gjatë.
Kritikave të Putinit drejtuar Shteteve të Bashkuara u është bashkuar edhe shefi i diplomacisë gjermane Frank Valter Steinmeier i cili në këtë konferencë sot ka thënë se "disa në SHBA tash po mësojnë se demokracia nuk mund të imponohet me forcë ushtarake".
Agjencia Reuter pohon se marrëdhëniet Perendim-Rusi janë vënë në një pikë kruciale, për shkak të mospajtimeve rreth ambicieve bërthamore të Iranit dhe statusit të Kosovës.