Rusia ka shprehur dyshime serioze ndaj planit të Kombeve të Bashkuara për statusin e Kosovës, duke thënë se ai nuk i mbron interesat e serbëve.
Alexander Botsan-Kharchenko, emisar special i Rusisë për Kosovën, tha se plani i Martti Ahtisaarit ka nevojë për përpunime të mëtejme.
"Ne kemi dyshime serioze për aftësinë e planit që ai të bëhet bazë e mirë për bisedime, sepse ai përmban dispozita që çojnë kah sovraniteti i Kosovës dhe pavarësia e Kosovës", ka thënë zyrtari rus, për të shtuar se Moska do ta shqyrtojë rezolutën e re të Këshillit të Sigurimit pasi të jetë arritur marrëveshja ndërmjet Prishtinës dhe Beogradit.
I pyetur nëse Rusia do të përdorë veton në Këshillin e Sigurimit, ai ka thënë se "e drejta e vetos nuk është qëllim për vetveten". "Ne duhet të krijojmë kushte të favorshme për bisedimet", ka thënë ai.
Botsan-Kharchenko gjithashtu ka deklaruar se plani i Ahtisaarit mund të çojë në ndarjen e Kosovës.
"Shpallja e pavarësisë së Kosovës do të çonte në ndarjen e saj. Kjo është rrugë e rrezikshme, sepse është i mundshëm reagimi vargor në Ballkan", ka thënë diplomati rus.
"Serbët e Kosovës nuk do të pranojnë një vendim të tillë, dhe do të vetë izolohen", ka thënë ai, për të shtuar se Rusia "është kategorikisht kundër ndarjes së Kosovës".
Alexander Botsan-Kharchenko, emisar special i Rusisë për Kosovën, tha se plani i Martti Ahtisaarit ka nevojë për përpunime të mëtejme.
"Ne kemi dyshime serioze për aftësinë e planit që ai të bëhet bazë e mirë për bisedime, sepse ai përmban dispozita që çojnë kah sovraniteti i Kosovës dhe pavarësia e Kosovës", ka thënë zyrtari rus, për të shtuar se Moska do ta shqyrtojë rezolutën e re të Këshillit të Sigurimit pasi të jetë arritur marrëveshja ndërmjet Prishtinës dhe Beogradit.
I pyetur nëse Rusia do të përdorë veton në Këshillin e Sigurimit, ai ka thënë se "e drejta e vetos nuk është qëllim për vetveten". "Ne duhet të krijojmë kushte të favorshme për bisedimet", ka thënë ai.
Botsan-Kharchenko gjithashtu ka deklaruar se plani i Ahtisaarit mund të çojë në ndarjen e Kosovës.
"Shpallja e pavarësisë së Kosovës do të çonte në ndarjen e saj. Kjo është rrugë e rrezikshme, sepse është i mundshëm reagimi vargor në Ballkan", ka thënë diplomati rus.
"Serbët e Kosovës nuk do të pranojnë një vendim të tillë, dhe do të vetë izolohen", ka thënë ai, për të shtuar se Rusia "është kategorikisht kundër ndarjes së Kosovës".