Nga rrëzimi i një helikopteri të koalicionit të udhëhequr nga Shtetet e Bashkuara në Afganistan kanë humbur jetën tetë ushtarë amerikanë dhe 14 të tjerë janë plagosur, ka njoftuar koalicioni. Në këtë njoftim mëtutje është thënë se përplasja, që ndodhi sot herët në mëngjes, kishte ndodhur për shkak të gabimeve teknike. Helikopteri i tipit CH-47 Chinook u përplas në provincën Zabul, afro 250 kilometra në jug të kryeqytetit Kabul.
