Ndërlidhjet

SHKUP


Problemi i Kosovës na intereson të gjithëve dhe zgjidhja është vetëm pavarësia e saj, deklaroi sot në Shkup presidenti i Shqipërisë Alfred Moisiu.
"Problemi i Kosovës është një problem që na intereson të gjithëve, sepse është një problem jo vetëm shqiptarë, por që i takon gjithë të ardhmes paqësore dhe stabilitetit të rajonit, ndërsa zgjidhja e vetme për Kosovën është pavarësia e saj", ka thënë Moisiu.
Presidenti shqiptar ka marrë pjesë në një aktivitet të organizuar me rastin e trevjetorit të vdekjes tragjike të ish-presidentit Boris Trajkovski.
"Falë Trajkovskit, Zoran Xhingjiqit dhe Ibrahim Rugovës, rajoni me sukses ka dalë nga e kaluara dhe është nisur drejt Evropës", ka thënë Moisiu. Ai ka porositur pjesëmarrësit se shtetet e rajonit si fqinje duhet që bashkërisht t'i zgjidhin problemet dhe të planifikojnë të ardhmen.
XS
SM
MD
LG