Papa Benedikti XVI caktoi ipeshkvin Kazimierz Nycz arqipeshkv të ri të Varshavës. Ai do të zëvendësojë arqipeshkvin Stanislav Vielgus, i cili u largua gjatë janarit, pasi pranoi se kishte bashkëpunuar me policinë sekrete gjatë periudhës së komunizmit. Arqipeshkvi i ri mbështet largimin e bashkëpunëtorëve të komunizmit nga kisha dhe kundërshton përfshirjen e kishës në politikë.
