Sekretarja amerikane e Shtetit Condoleezza Rice tha se kryeministrit izraelit Ehud Olmert dhe presidenti i Autoritetit palestinez Mahmud Abbas janë dakorduar që të takohen çdo dy javë. Në ditën e fundit të turneut në Lindjen e Mesme, Rice tha se bisedimet fillimisht do të përqëndroheshin në çështjet e sigurisë, por më pas do t'i përfshinin edhe diskutimet për formimin e shtetit palestinez, në bazë të planit të paqes.
