Personi i armatosur, që vrau 32 vetë në Universtietin Teknik në Virxhinia të Shteteve të Bashkuara, kishte dërguar fotografi, video dhe letra lidhur me problemet e tij në adresë të rrjetit televiziv amerikan, NBC. Ky rrjet njoftoi se materialet duket se ishin dërguar nga Cho Seung-Hui të hënën, ndërmjet të shtënave të para dhe të dyta. Pasi vrau 32 vetë, Cho Seung-Hui bëri vetëvrasje. Ishte ky sulmi më vdekjeprurës me të shtëna në historinë e Shteteve të Bashkuara.
