Zyrtarët e Doganës së Bullgarisë kanë thënë sot se kanë konfiskuar 48 kilogram të heroinës, që vlërësohet në afro 3 milionë dollarë, në një kamion të Turqisë, që udhëtonte për në Maqedoni. Droga ishte në 91 paketime të veçanta dhe ishte fshehur në pjesë të ndryshme të kamionit. Kjo është hera e pestë, gjatë këtij viti, që doganierët bullgarë konfiskojnë drogë në vendkalim Andrejevo me Turqinë.
