Sekretari i Përgjithshëm i NATO-s Jap de Hop Shefer, ka kërkuar sot nga kosovarët t'i japin më shumë kohë perendimit për zgjidhjen e statusit të vendit. "Të gjithë e dijmë se procesi në Këshillin e Sigurimit të Kombeve të Bashkuara po ballafaqëohet me vështirësi" ka thënë Shefer për të shtuar se duhet treguar durim dhe kujdes gjatë kësaj periudhe. Shefer pas takimeve me zyrtarët ndërkombëtarë dhe vendor, ka thënë se për NATO-n shtyrja e zgjidhjes së statusit nuk është e dëshirueshme.
