Disa nga yjet më të mëdha të muzikës botërore kanë marrë pjesë në konceret për Tokën në mbarë botën, me qëllim që ta tërheqin vërejtjen për ndryshimet klimatike. Në mesin e yjeve muzikore që morën pjesë në koncertet në Sidnej, në Tokio, në Johanesbuerg, në Shangaj, në Hamburg, në Londër, pastaj në Uashington, Nju Xherzi dhe në Rio De Zhaneiro ishin edhe Madona, Metallica, grupi Red Hot Chili Peppers e të tjerë. Këto koncerte janë mbështetur nga ish zëvendës presidenti i Shteteve të Bashkuara, Al Gore, i cili e ka filluar një fushatë që çështja e ngrohjes globale të gjejë vend në agjendën ndërkombëtare politike.
