Zëdhënësi i Departamentit amerikan të shtetit, Sean McCormack tha se Korea Veriore i ka informuar sot Shtetet e Bashkuara se e ka ndalë reaktorin bërthamor në Yongbyon. Kjo deklaratë e Shteteve të Bashkuara u bë pasi inspektorët e Kombeve të Bashkuara arritën sot në Korenë Veriore. Korea Veriore është pajtuar që ta shkatërroj programin e vet bërthamor në këmbim për ndihmë dhe garantime të sigurisë. Sasia e parë e karburantit, që ishte ofruar si kompensim për ndaljen e reaktorit, sot arriti në portin e Koresë Veriore.
