Sekretarja amerikane e shtetit Kondoliza Rajs dhe ai i Mbrojtjes Robert Gates fillojnë sot misionin në Lindjen e Mesme në kërkim të mbështjetjes arabe për qeverinë irakiane. Ata do të vizitojnë Egjiptin dhe Arabinë Saudite para vizitave të ndara në pjesë të tjera të rajonit. Njoftohet se zyrtarët e lartë amerikanë do të diskutojnë edhe planet e SHBA-ve për t'i shitur armë deri në 20 miliardë dollarë vendeve arabe në përpjekje për të ndalur ndikim e Iranit në rajon.
