Kongresi i Shteteve të Bashkuara miratoi legjislacionin, sipas të cilit, qeveria amerikane do të mund t'i përgjojë të huajt e dyshuar. Ky legjislacion, që pritet të nënshkruhet nga presidenti Bush dhe të shndërrohet në ligj, parasheh që agjencitë amerikane të zbulimit të mos kërkojnë leje nga gjykata për të përgjuar telefonatat, postën elektronike apo komunikimet e tjera të shtetasve të huaj të dyshuar.
