Presidenti i Afganistanit, Hamid Karzai ka arritur për vizitë dyditëshe në Shtetet e Bashkuara. Gjatë kësaj kohe ai do të takohet me presidentin George Bush në Kemp Dejvid. Pritet se të dy liderët do të diskutojnë për luftën kundër talibanëve dhe al-Kaidës në Afganistan. Kjo vizitë po bëhet në periudhën e paqartësisë lidhur me fatin e 21 misionarëve jugkoreanë, që po mbahen të rrëmbyer nga Talibanët në Afganistan.
