Ministrja e punëve të Jashtme të Austrisë Ursula Plashnik, ka deklaruar se 10 dhjetori është afati i fundit i zgjidhjes së statusit të Kosovës dhe se kjo çështje nuk mund të shtyhet në pafundësi. "Dëshiroj që palët të kuptojnë seriozitetin e gjendjes dhe raundin e fundit ta shfrytëzojnë drejtë"thuhet në kumtesën e shefes së diplomacisë austriake. Plashnik, ka tërhequr vërejtjen se statusi i Kosovës nuk guxon të frenoj Ballkanin në rrugën drejt integrimeve europiane.
