Presidenti i Iranit, Mahmoud Ahmadinejad tha sot se vendi i tij i ka bërë operacionale më se 3 mijë centrifuga për pasurimin e uraniumit dhe se "për çdo javë Irani instalon seri të reja". Radio Televizioni shtetëror iranian mëtutje transmetoi se këto komente zoti Ahmadinejad i bëri gjatë një fjalimi para studentëve islamikë. Agjencia Ndërkombëtare për Energji Bërthamore në raportin e publikuar javën e fundit tha se Irani kishte vetëm 2 mijë centrifuga, që ishin operative në centralin në Natanc.
