I dërguari i Bashkimit Evropian në treshen ndërmjetësuese për statusin e Kosovës, Wolfgang Ischinger sot e fillon vizitën dyditëshe në Beograd. Gjatë këtij qëndrimi, ai do të takohet m zyrtarët më të lartë të Serbisë, me të cilët pritet të bisedoj për vazhdimin e procesit për statusin e Kosovës. Dy anëtarët e tjerë të treshes ndërmjetësuese ndërkombëtare janë Frank Wisner, përfaqësues i Shteteve të Bashkuara dhe Aleksander Botsan-Kharchenko përfaqësues i Rusisë.
