Zijadin Gashi
Ekipi Negociues është në fazën përfundimtare të finalizimit të një dokumenti apo traktati, me të cilin mëton të paraqitet në takimin e 19 shtatorit, në Londër, me Treshen negociuese. Ky traktat parasheh rregullimin e marrëdhënieve ndërmjet Kosovës e Serbisë pas zgjidhjes së statusit, si dy shtete fqinje. Presidenti i Kosovës, Fatmir Sejdiu, përsëriti edhe sot pozicionin e palës kosovare në bisedime, se Prishtina nuk mund të negociojë për statusin dhe tërësinë territoriale të Kosovës, por vetëm për çështjet që ndërlidhen me raportet ndërmjet Kosovës e Serbisë. “Jemi në finalizim të një dokumenti që e ka natyrën e një traktati a marrëveshjeje për fqinjësi të mirë, ku kemi shtruar elementet e rëndësishme, që kanë të bëjnë me raportet e ardhshme, me temat që kanë të bëjnë me çështjen e kthimit të të pagjeturve, me temën e procesit të kthimeve, me aspektet e lirisë së lëvizjes së qytetarëve, si dhe aspekte të tjera që janë trajtuar esencialisht edhe në pakon e presidentit Ahtisaari”, theksoi presidenti Sejdiu. Kosova nuk e harron atë që ka përjetuar populli i saj në të kaluarën ndërmjet Serbisë dhe Kosovës, tha ai, duke shtuar se traktati, megjithatë, parasheh ecjen përpara në realizimin e projekteve të Kosovës si shtet i pavarur. Ndërkaq, duke komentuar zhvillimet e fundit në Bashkimin Evropian lidhur me statusin e Kosovës, Sejdiu tha se pret që me gjithë dallimet, edhe Brukseli do të dalë me qëndrime unike, ngjashëm si doli në rastin e mbështetjes së pakos së Ahtisaarit. Sidoqoftë, Sejdiu tha se Kosova do ta kryejë punën e vet, duke e shpallur pavarësinë e saj në momentin e duhur. “Unë e kam thënë gjithmonë se Kosova do ta bëjë punën e vet, pra nënkuptohet edhe shpallja e pavarësisë, në bashkëpunim me të gjithë ata që e mbështesin shpalljen e pavarësisë dhe e njohin pavarësinë e Kosovës. Kosova nuk mund të jetë peng i kërkesave për zvarritje të procesit. Mendojmë se është një proces që është bërë në modelin e vet - kjo pjesë e angazhimeve shtesë. Ne e kemi dhënë pëlqimin që të jetë angazhimi i fundit shtesë në këtë proces dhe e kemi thënë po ashtu se në bashkëpunim dhe me mbështetjen tuaj, Kosova është e gatshme dhe do ta bëjë shpalljen e pavarësisë”, ka thënë presidenti Fatmir Sejdiu. Kosovës i duhet një mbështetje e fuqishme ndërkombëtare për realizimin e pavarësisë së saj, përfshirë këtu sidomos edhe 27 vendet anëtare të Bashkimit Evropian, tha Sejdiu. Ndërkaq, lidhur me mundësitë që Prishtina të tregojë më shumë fleksibilitet në zgjidhjen e çështjes së komunitetit serb në Kosovë, presidenti Sejdiu tha se zgjidhjet më të mira dhe më funksionale janë paraparë me pakon e Ahtisaarit. Ndryshe, më 18 shtator, Treshja negociuese së pari do të zhvillojë takim me palën serbe nga Beogradi, ndërkaq më 19 shtator me palën kosovare. Këto takime shihen si përgatitje e një takimi tjetër në New York, i thirrur për datën 28 shtator, kur edhe parashihen bisedime të drejtpërdrejta ndërmjet Prishtinës e Beogradit, me ndërmjetësimin e Treshes që po udhëheq me fazën shtesë të negociatave.
Ekipi Negociues është në fazën përfundimtare të finalizimit të një dokumenti apo traktati, me të cilin mëton të paraqitet në takimin e 19 shtatorit, në Londër, me Treshen negociuese. Ky traktat parasheh rregullimin e marrëdhënieve ndërmjet Kosovës e Serbisë pas zgjidhjes së statusit, si dy shtete fqinje. Presidenti i Kosovës, Fatmir Sejdiu, përsëriti edhe sot pozicionin e palës kosovare në bisedime, se Prishtina nuk mund të negociojë për statusin dhe tërësinë territoriale të Kosovës, por vetëm për çështjet që ndërlidhen me raportet ndërmjet Kosovës e Serbisë. “Jemi në finalizim të një dokumenti që e ka natyrën e një traktati a marrëveshjeje për fqinjësi të mirë, ku kemi shtruar elementet e rëndësishme, që kanë të bëjnë me raportet e ardhshme, me temat që kanë të bëjnë me çështjen e kthimit të të pagjeturve, me temën e procesit të kthimeve, me aspektet e lirisë së lëvizjes së qytetarëve, si dhe aspekte të tjera që janë trajtuar esencialisht edhe në pakon e presidentit Ahtisaari”, theksoi presidenti Sejdiu. Kosova nuk e harron atë që ka përjetuar populli i saj në të kaluarën ndërmjet Serbisë dhe Kosovës, tha ai, duke shtuar se traktati, megjithatë, parasheh ecjen përpara në realizimin e projekteve të Kosovës si shtet i pavarur. Ndërkaq, duke komentuar zhvillimet e fundit në Bashkimin Evropian lidhur me statusin e Kosovës, Sejdiu tha se pret që me gjithë dallimet, edhe Brukseli do të dalë me qëndrime unike, ngjashëm si doli në rastin e mbështetjes së pakos së Ahtisaarit. Sidoqoftë, Sejdiu tha se Kosova do ta kryejë punën e vet, duke e shpallur pavarësinë e saj në momentin e duhur. “Unë e kam thënë gjithmonë se Kosova do ta bëjë punën e vet, pra nënkuptohet edhe shpallja e pavarësisë, në bashkëpunim me të gjithë ata që e mbështesin shpalljen e pavarësisë dhe e njohin pavarësinë e Kosovës. Kosova nuk mund të jetë peng i kërkesave për zvarritje të procesit. Mendojmë se është një proces që është bërë në modelin e vet - kjo pjesë e angazhimeve shtesë. Ne e kemi dhënë pëlqimin që të jetë angazhimi i fundit shtesë në këtë proces dhe e kemi thënë po ashtu se në bashkëpunim dhe me mbështetjen tuaj, Kosova është e gatshme dhe do ta bëjë shpalljen e pavarësisë”, ka thënë presidenti Fatmir Sejdiu. Kosovës i duhet një mbështetje e fuqishme ndërkombëtare për realizimin e pavarësisë së saj, përfshirë këtu sidomos edhe 27 vendet anëtare të Bashkimit Evropian, tha Sejdiu. Ndërkaq, lidhur me mundësitë që Prishtina të tregojë më shumë fleksibilitet në zgjidhjen e çështjes së komunitetit serb në Kosovë, presidenti Sejdiu tha se zgjidhjet më të mira dhe më funksionale janë paraparë me pakon e Ahtisaarit. Ndryshe, më 18 shtator, Treshja negociuese së pari do të zhvillojë takim me palën serbe nga Beogradi, ndërkaq më 19 shtator me palën kosovare. Këto takime shihen si përgatitje e një takimi tjetër në New York, i thirrur për datën 28 shtator, kur edhe parashihen bisedime të drejtpërdrejta ndërmjet Prishtinës e Beogradit, me ndërmjetësimin e Treshes që po udhëheq me fazën shtesë të negociatave.
