Zyrtarë libanezë kanë bërë të ditur se nga shpërthimi i një veture bombë është vrarë ligjvënësi i këtij vendi, Antonio Ghanem, së bashku me tre persona të tjerë. Shpërthimi ka ndodhur në lagjen krishtere, në veri të Bejrutit. Sulmi i sotëm vjen një javë para se ligjvënësit libanezë të zgjedhin presidentin e ri, i cili do të zëvendësojë kryetarin e tashëm prosirian, Emil Lahoud. Këshilli i Sigurimit i OKB-së ka dënuar sulmin e sotëm.
