Përfaqëuesi i lartë i BE-së për politik të jashtme dhe siguri Havijer Solana, ka vlerësuar se takimi i parë i drejtpërdrejt ndërmjet Prishtinës dhe Beogradit, ishte konstruktiv dhe ka shfaqur shpresën se vazhdimi do të jetë i suksesshëm. Në konferencën për shtyp në qytetin portugez Evora, gjatë takimit joformal të ministrave të mbrojtjes të vendeve anëtare të BE-së, Solana ka thënë se nuk mund të thotë se në Nju Jork është arritur shumë, por takimi i parë i drejtpërdrejt është zhvilluar në një atmosferë relaksuese dhe konstruktive.
