Hetimi britanik lidhur me vdekjen e Princeshës Diana dhe të bashkëudhëtarit të saj, Dody Fayed është hapur sot me synimin që të vendoset zyrtarisht, njëherë e përgjithmonë, se çka ndodhi në aksidentin automobilistik para 10 vitesh. Hetimet policore në Francë dhe në Britani tashmë kanë konkluduar se shoferi Henri Paul ishte i dehur dhe se kishte humbur kontrollin ndaj veturës kur ndodhi përplasja në një tunnel në Paris më 31 gusht të vitit 1997. Pritet që ky hetim të zgjasë së paku 6 muaj.
