Shtyrjet në zgjidhjen e statusit të Kosovës mund t'a dëmtojnë shumë punën e administratës së Kombeve të Bashkuara në Kosovë dhe rrezikojnë kthimin e rajonit në jostabilitet, thuhet në një raport të sekretarit të përgjithshëm të OKB-së, Ban Ki-moon. "Në Kosovë mbetet ndjenja e jostabilitetit, që ishte theksuar nga pakënaqësia e shprehur nga populli i Kosovës lidhur me zgjatjen e procesit të statusit të ardhshëm të Kosovës", thuhet në raport, që javën e ardhshme do të paraqitet në Këshillin e Sigurimit, raporton AP. Sipas raportit, procesi duhet ta arrijë përfundimin ose në të kundërtën palët do të ballafaqohen me rrezikun "që progresi të shndërrohet në jostabilitet në Kosovë dhe në rajon".
