Këshillit të Sigurimit të Kombeve të Bashkuara sot do t'i paraqitet raporti i të dërguarit të posaçëm të OKB-së, për ndërhyrjen kundër protestuesve për demokraci në Mijanmar, ish Birmani. I dërguari i OKB-së, Ibrahim Gambari ishte në vizitë katërditëshe në Mijanmar, me ç'rast u takua me liderët ushtarakë dhe me lideren prodemokratike Aung San Suu Kyi. Vendet perëndimore kanë kërkuar sanksione kundër Mijanmarit. Kina ka ftuar për përmbajtje, por ka kundërshtuar sanksionet.