Operatorit të Sistemit, Transmisionit dhe Tregut të Kosovës i mohohet e drejta e nënshkrimit të marrëveshjes për kompensim të bartjes së energjisë elektrike në mes të operatorëve të sistemeve të transmisionit të Evropës dhe ky është diskriminim. Kështu ka thënë sot drejtuesi i KOSTT-it, Fadil Ismaili. Sipas tij, mospërfshirja e KOSTT-it në këtë marrëveshje, është bërë për shkak të presionit të Serbisë dhe kjo është çështje kryekëput politike.
