Maqedonisë i mbetet shumë punë për të bërë në 6 muajt e ardhshëm, në implementimin e obligimeve ndaj NATO-s, ka thënë në Shkup ndihmëssekretari amerikan i shtetit për Azinë Lindore dhe Pacifikun, Kristofer Hill. Ndërkaq, duke folur për programin nuklear të Koresë së Veriut, Hill ka thënë: "Nesër do të udhëtoj për në Vjenë, ku do të raportoj për atë se çfarë po bëjmë në Korenë e Veriut. Më pas, pres që sërish të udhëtoj për në Azi, e me gjasë do të shkoj në Korenë e Veriut, në javët e ardhshme".
