Presidenti Pervez Musharraf tha se dëshiron që zgjedhjet e përgjithshme në Pakistan të mbahen më 8 janar. Megjithate, përkundër trysnive nga Shtetet e Bashkuara, ai nuk tha nëse deri atëherë do të hiqet gjendja e jashtëzakonshme. Të shtunën, zëvendës sekretari i Shtetit, John Negroponte e paralajmëroi Musharrafin se kredibiliteti i zgjedhjeve mund të pësojë nëse nuk hiqet gjendja e jashtëzakonshme, e shpallur më 3 nëntor.
