I dërguari i posaçëm i Kombeve të Bashkuara, Martti Ahtisaari, është shprehur se zgjidhja e statusit të Kosovës do të vendoset shpejt, pasi Treshja ndërkombëtare ta dorëzojë raportin e saj te Sekretari i Përgjithshëm i OKB-së. "Është e qartë se situata e tashme në Kosovë nuk mund të zgjasë shumë. Është koha e fundit që Evropa ta përfundojë këtë konflikt", tha Ahtisaari, në një konferencë për gazetarë, mbrëmë në Sofje.
