"Ne të gjithë kemi një qëndrim të përbashkët, por këtë dëshirojmë ta shtyjmë si pozicionim të përbashkët të Evropës", ka thënë kancelaria gjermane, Angela Merkel, duke folur para gazetarëve për statusin e Kosovës, pas takimit me kryeministrin italian, Romano Prodi. Në anën tjetër, Prodi ka thënë: "Ne duhet ta lëmë Serbinë që ta kuptojë se roli i saj është përbrenda Evropës, rol i cili është i njëjtë me atë të shteteve tjera, i fuqishëm dhe aktiv. Kjo është e domosdoshme sidomos në rastin kur kemi të bëjmë me shqetësimet rreth Serbisë dhe Kosovës", ka deklaruar kryeministri italian.
