Policia e Sllovakisë ka njoftuar se tre persona janë arrestuar për përpjekje për shitjen e një kilogrami të materialit radioaktiv. Sipas policisë ky material është identifikuar si uranium. Uraniumi ishte konfiskuar në Sllovaki, ku janë arrestuar dy të dyshuar. I dyshuari i tretë është arrestuar në Hungari. Të dyshuarit kishin planifikuar shitjen e uraniumit për një milion dollarë.
