1 Dhjetori është dita e Kombeve të Bashkuara kushtuar luftës kundër SIDA-s. Sekretari i Përgjithshëm i Kombeve të Bashkuara, Ban Ki Moon, ka bërë thirrje t'i jepet fund paragjykimeve ndaj njerëzve të prekur nga virusi HIV apo të sëmurë me sëmundjen SIDA. Sipas tij, kjo është sfida më e madhe në luftën kundër kësaj sëmundje. Kombet e Bashkuara thonë se 33 milionë njerëz në botë janë të prekur nga virusi HIV.
