Qeveria sllovake ende beson se mënyra më e mirë është që për Kosovën të ketë një zgjidhje të negociuar kompromisi, ka thënë sot në Prishtinë, ministri i Jashtëm i Sllovakisë, Jan Kubis. Ai tha se vendi i tij nuk e preferon marrjen e vendimeve të njëanshme, por pret që të ketë negociata deri në arritjen e marrëveshjes. Këto komente Kubis i bëri sot gjatë një vizite në Prishtinë, ku është pritur nga presidenti Fatmir Sejdiut dhe shefi i UNMIK-ut Joakim Ryker.
