Pas bisedimeve që zgjatën rreth një muaj, liderët e partive kryesore në Kosovë, Hashim Thaçi e Fatmir Sejdiu nënshkruan sot marrëveshjen për koalicionin qeverisës ndërmjet PDK-së dhe LDK-së. Kjo marrëveshje, pritet të miratohet në seancën e së mërkurës në Kuvendin e Kosovës. Parimet e marrëveshjes, nuk parashohin vetëm zgjedhjen e kryeministrit dhe qeverisë, por edhe të presidentit të Kosovës.
