Ministria për situatat e Emergjencës e Kazakistanit ka bërë të ditur se 23 minatorë konsiderohen të zhdukur pas një shpërthimi në minierën Abai të këtij vendi. Ministria ka thënë se temperaturat shumë të larta në zgafellat e minierës përjashtojnë çdo mundësi që ndonjëri nga minatorët të ketë shpëtuar. Miniera Abai është pjesë e përpunuesit më të madh në botë të çelikut ArcelorMittal.
