Janë mbyllur vendvotimet për zgjedhjet presidenciale në Serbi. Raportohet se në zgjedhje kanë marrë pjesë rreth 58.2% e votuesve, disa orë para mbylljes së vendvotimeve. Favoritë në këto zgjedhje janë Boris Tadiq dhe Tomislav Nikoliq. Këto zgjedhje shihen si vendimtare për vendin dhe lidhjen me Bashkimin Evropian. Zgjedhjet po mbahen në kohën kur Kosova pritet të shpallë pavarësinë. Të dy kandidatët kundërshtojnë fuqishëm pavarësinë e Kosovës.
