Në Gjykatën Ndërkombëtare për ish Jugosllavinë prokuroria dhe mbrojtja kanë filluar deklaratat përmbyllëse për rastin Haradinaj, Balaj dhe Brahimaj. Prokuroria ka kërkuar 25 vjet burg për ish kryeministrin e Kosovës dhe po kaq edhe për dy bashkëluftëtarët e tij. Pala mbrojtëse vendosi të mos paraqiste dëshmitarë në fund të procesit duke theksuar se rasti i paraqitur nga prokuroria ishte shumë i pabazë. Ndërkohë pala mbrojtëse më herët ka kërkuar lirimin e Haradinajt, Balajt dhe Brahimajt.
