Ndërlidhjet

BERLIN


Sekretarja amerikane e Shtetit, Condoleezza Rice ka kërkuar nga aleatët evropianë të mos tërhiqen nga vendimet e vështira rreth planeve për pavarësinë e Kosovës.
Rice u tha gazetarëve se nevojitet "një mirëkuptim i qartë" dhe një qëndrim i përbashkët rreth kohës për përcaktimin e statusit të Kosovës.
"Nuk mendoj se ka dallime me Evropën rreth Kosovës. Ajo që po përpiqemi të bëjmë është të shohim nëse mund të ndërmerret dicka shtesë për një tranzicion sa më të qetë", tha Rice.
"Ka rreziqe nëse vazhdojmë të presim për të bërë atë që është e nevojshme, zgjidhjen e statusit të Kosovës", tha shefja e diplomacisë amerikane për gazetarët.
"Mendoj se është mirë të presim rezultatin zgjedhjeve në Serbi. Por kemi arritur në një pikë që duhet të marrim vendime të vështira, derisa shtyrja nuk i bën më të lehta këto vendime", shtoi Rice.
Shtetet e Bashkuara, Gjermania dhe një numër vendesh i druhen rrezikut nga vakumi që mund të krijohet nëse Bashkimi Evropian nuk vepron shpejt në njohjen e Kosovës pas shpalljes së pavarësisë. Një numër shtetesh evropiane si Greqia dhe Qiproja e kanë bërë të qartë kundërshtimin e tyre.
Rice gjatë qëndrimit në Berlin po diskuton për Kosovën dhe me homologun e saj rus Lavrov.
XS
SM
MD
LG