"Vendimi për të ardhmen e statusit të Kosovës do të jetë i vështirë dhe ai duhet të mos cënojë stabilitetin në rrajon"- ka deklaruar Ministri i Jashtëm i Sllovakisë Eduard Kukan gjatë vizitës në Kosovë ku ka takuar administratorin e Kombeve të Bashkuara për Kosovën Soren Jessen Petersen. Bisedimet u përqëndruan në negociatat per statusin e Kosovës të cilat pritet të nisin zyrtarisht në Vjenë në 25 janar. Ministri i Jashtëm sllovak propozoi që përfaqësuesit e palës shqiptare dhe serbe mund të mbajnë takime informale në Sllovaki.
