Ndërlidhjet

logo-print

NJU JORK


Kosova ende po lëvizë shumë ngadalë drejt arritjes së standardeve ndërkombëtare që synojnë të sigurojnë se ajo po bëhet një shoqëri multietnike që funksionon lehtë, është shprehur, sekretari i përgjithshëm i Kombeve të Bashkuara, Kofi Annan. Në raportin e tij të progresit në Kosovë, dërguar Këshillit të Sigurimit, pos tjerash thuhet se bisedat për status, që filluan në nëntorin e vitit të kaluar, kanë dështuar që ti nxisin autoritetet e Kosovës drejt një progresi më të madh në standarde. "Jam serioizisht i shqetësuar se ka pasur shtyrje ose pengesa në pjesën më të madhe të implementimit të standardeve" , thotë zoti Annan në këtë raport dhe shtoi se "implementimi i standardeve nga liderët politikë dhe institucionet e Kosovës është obligim ndaj popullit të Kosovës dhe duhet të vazhdoj fuqishëm". Në këtë raport kritikohet minoriteti serb i Kosovës për dështim që në mënyrë aktive të përfshihet në qeverisjen lokale dhe fton Beogradin që ti inkurajoj serbët lokalë që ta bëjnë këtë.
XS
SM
MD
LG