BEOGRAD

Nga Beogradi kanë ardhur njoftime kundërthënëse për arrestimin e krye të dyshuarit për krime të luftës Ratko Mlladiq.
Qeveria e Serbisë i mohoi raportet e mediave, kurse zyra e kryeministrit Vojisllav Koshtunica tha se Mlladiq nuk është arrestuar.
Agjencitë perëndimore gjatë ditës e cituan agjencinë shtetërore serbe Tanjug se Mlladiq është arrestuar.
Edhe prokuroria e Tribunalit të Hagës tha se nuk ka informacione nëse Mlladiq është arrestuar.
Më parë, qeveria bëri të ditur se operacioni për kapjen e Ratko Mlladiq është në vazhdim e sipër.