Ekipi Negociator i Kosovës po takohet në përbërje të re, me kryeparlamentarin Kolë Berisha dhe kryeministrin Agim Çeku. Ekipi po diskuton për takimin e Vjenës, më 17 mars, në të cilin pritet të vazhdohen bisedimet rreth decentralizimit. Përbërja e delegacionit për raundin e dytë nuk do të ndryshojë, ndërsa Ekipi pritet t'i japë vizë delegacionit që të shkojë në takim. Ministri i Pushtetit Lokal dhe njëherit zëvendëskryeministër, Lutfi Haziri, raporton para Ekipit të Unitetit për takimin e kaluar dhe përgatitjet e mëtejshme për këto bisedime.
